-Zer sartu duzu poltsikoan?
-Igel bat!
-Igel bat? Etxera eramango duzu?
-Zergatik ez?
-Nahi duzuna! Eta zer egingo duzu berekin?
-Oraindik ez dakit, pentsatuko dut!
-Bihar ordu berean parkean? Dentistarengana noa!
-Izorrai! Bihar arte!
Bakoitzak bere etxerako bidea hartu zuen.
Etxera iristean ama egunkaria irakurtzen ari zen.
-Goiz zatoz… -bota zion amak.
-Mikelek dentistarengana joan behar zuen. Eta aita?
-Bazkaria prestatzen…
-Aita!! Zer dago bazkaltzeko?
Aita sukaldetik agertu zen eskuak zapi batekin garbituz; sofan eseri zen amaren ondoan.
-Ama eta biontzat arroza, zuk espagetiak nahiago, ezta?
-Zer botako diozu arrozari?
-Ba ez dakit… okurrituko zait zerbait… sorpresa!
Ideia makur bat izaten zuenean bezala, eskuineko bekaina altxa zuen eta eskua poltsikoan sartu zuen irri bihurriaz sukalderako bidean.
-Ba bai, nahiago ditut espagetiak… ez zaizkit sorpresak gustatzen. Sukaldera noa…
-Guri bai!
Kroak, kroak! Aintx… udako oporrak!