Bizitza oka jokoa da, Santiago bidea, alfonbra gorria, izotzetan pasabidea. Helburua, jomuga, saria, azenarioa, tontorra, lilura bat da. Irudipena izan daiteke, ameskeria. Baina ez da etsi behar. Everest gailurra zapaldu ez baduzu, Oskar saria lortu, jendearen txaloa, komunikabideen aipamenik izan ez baduzu, ziur pertsona jeniala bihurtu zarela, merezi duen horietakoa, saiakera hutsa arrakasta delako. Bidean egin duzun ahalegina miresgarria izan delako. Eta ba al dakizue egia dela? Beraz txalo zaparrada ahalegintzen diren, zareten, garen guztioi. Zergatik ez?
Iruzkina uztea